O festival Rompetiño Jump de Porto Son será un referente musical pero tamén deportivo. Así, os días 1 e 2 de xullo celebrarase a segunda edición do certame Basket Rompetiño 3×3. Haberá catro categorías:
-Infantil + cadete feminino (do 2011 ao 2007).
-Infantil + cadete masculino (do 2011 ao 2007)
-Júnior + sénior feminino (2006 e anteriores)
-Júnior + sénior masculino (2006 e anteriores).
Haberá importantes premios para as dúas últimas categorías: 400 euros para o primeiro posto, 200 euros para o segundo, 100 para o terceiro e 50 para o cuarto. A competición celebrarase como dixemos o sábado 1 de xullo (a partir das 10.00 horas, júnior + sénior), e o domingo 2 (a partir das 10.00 horas, todas as categorías). As inscricións cómpre facelas a través de Woutick.es.
