O Concello de Dodro lanzou nas redes un comunicado no que informa da retirada dos contedores de obra onde foron localizados vertidos de refugallos diversos alleos á actividade para a que foron dispostos os ditos colectores (alleos ás tarefas de construción, reparación, etc).
O Goberno local explica que os contedores volverán ser repostos até que se atope unha solución a esta problemática, que se veu materializando na proliferación de materiais que non correspondían nos ditos acubillos e, tamén, na xeración de vertedoiros a carón dos contedores, co custo económico e ambiental que isto supón.
“Despois de case tres anos atopamos que non é doado conseguir un uso razoábel deste servizo, xa que estamos o seu uso por parte de empresas, incluso de outros concellos, cando elas mesmas deben encargarse desa xestión dos residuos”, explican dende o Concello, engadindo que “o abandono de materias nas estradas, ou outros residuos (neveiras, móbeis) ao lado dos contedores, non e cívico nin normal, de feito o Concello dispón dun servizo propio para estes usos, de sobra coñecido polos seus veciños”.
