O salón de plenos do Concello da Pobra do Caramiñal acolleu neste 26 de xullo, a partir das 09.00 horas, a sesión extraordinaria de organización da corporación municipal para a lexislatura 2023-2027, a cal contou coa ausencia do concelleiro Manuel María Durán Guillán (PP). A orde do día foi a que figura a seguir:
1. Posta en coñecemento da constitución de grupos políticos municipais e voceiros.
2. Dar conta da resolución da alcaldía en materia de nomeamento dos membros da xunta de goberno local e delegacións nesta.
3. Dar conta das resolucións da alcaldía en materia de nomeamento dos tenentes de alcalde.
4. Dar conta da resolución da alcaldía en materia de delegacións nos concelleiros.
5. Proposta da alcaldía relativa á periodicidade das sesións do pleno. Aprobada por unanimidade.
6. Proposta da alcaldía de creación e composicións das comisións informativas. Aprobada con 7 votos a favor (Nós Pobra, BNG e Grupo Mixto conformado por PSdeG-PSOE e VIxP) e 5 abstencións (PP).
7. Proposta da alcaldía de delegación de competencias plenarias na xunta de Goberno local. Aprobada con 7 votos a favor (Nós Pobra, BNG e Grupo Mixto conformado por PSdeG-PSOE e VIxP) e 5 abstencións (PP).
8. Proposta da alcaldía sobre o nomeamento de representantes da corporación en órganos colexiados. Aprobada con 7 votos a favor (Nós Pobra, BNG e Grupo Mixto conformado por PSdeG-PSOE e VIxP) e 5 abstencións (PP).
9. Proposta da alcaldía sobre a designación de dedicacións, réxime económico das asistencias e indemnización e asignacións ós grupos. Aprobada con 7 votos a favor (Nós Pobra, BNG e Grupo Mixto conformado por PSdeG-PSOE e VIxP) e 5 en contra (PP).
Ao igual ca o resto, a sesión está dispoñible na canle do Youtube do Concello da Pobra do Caramiñal.
