Esta semana presentáronse os detalles do XV Concurso de Pintura ao Aire Libre “Juan José Fernández Leiceaga”, certame noiés que recoñece e distingue a creación artística participativa, aberta, colectiva e libre de limitacións físicas. Está aberto a artistas de todas as idades e o tema obrigado do concurso será o centro da vila de Noia e os seus arredores. Ademais, necesariamente as obras deberán ser pintadas en directo, in situ.
Haberá tres categorías: adultos (de 17 anos en diante), infantil (de 4 a 10 anos) e xuvenil (de 11 a 16 anos).
Para participar é conveniente realizar a prescrición só para a categoría adultos
• O prazo para realizar a prescrición na categoría adultos abre o 27 de xuño e pecha o martes, 25 de xullo ás 13.30 h.
• Inscricións no correo electrónico sesecertamen@gmail.com dando os seguintes datos: nome e apelidos, número de DNI e un teléfono de contacto.
Para calquera información chamar de luns a venres ao teléfono 699 30 14 81 en horario de 09:30 a 13:30 h.
Podemos consultar as bases nos carteis publicados no Facebook dende a Área de Cultura municipal.
