Este venres 7 de xullo pola tarde a Casa da Cultura de Porto do Son acolleu a presentación solidaria do libro Collendo alento, pechando feridas, de María Jesús Reboredo. Amais da autora, na cita participaron Valentín García Gómez, secretario xeral de Política Lingüística e José Luis Teófilo, editor e director de Teófilo Comunicación. O acto foi musicalizado coa excepcional actuación de Troyanos de Compostela. Todo o recadado da venda do libro foi a beneficio da Asociación Parroquial LOA.
Malia ser madrileña de nacemento, María Jesús Reboredo é unha artista (pintora e escritora) defensora e reivindicadora da cultura galega . A autora publicou nos últimos anos un estudo sobre o traxe tradicional galego, Te llevo en el corazón, un relato da súa estadía en Calcuta como voluntaria, Mi testimonio, ou o poemario 20 poemas solidarios. Dez das súas obras foron publicadas en galego e outras tantas en castelán con outros ilustracións propias baixo a técnica da acuarela. Todos os fondos recadados coa publicación destas obras doáronse a varias obras benéficas, como a New Light de Calcuta, Cociña Económica, Fundación Andrea e Cáritas Diocesana de Santiago.
