O vindeiro 29 de xullo o Concello de Outes vai organizar unha actividade turístico-deportiva para reivindicar os seus tesouros litorais dende unha óptica diferente: mar adentro e vogando. Trátase da quedada Padexando no Mar do Freixo, que terá a saída do Club Náutico dende as 10.30 horas.
A xuntanza será un xeito de introducir na navegación costeira en kaiak a persoas sen embarcación, aínda que tamén está aberta a aquelas que xa conten cunha embarcación propia. Para máis información e alugueiro de kaiaks cómpre chamar ao 649 880 015. Tamén podemos enviar un correo electrónico á conta centronautico@outes.gal.
