Segundo recolle o Diario de Arousa un veciño de Ribeira de 65 anos, cuxa identidade responde as iniciais B.B.R., foi detido pola suposta comisión dun delito de ameazas graves nunha actuación levada a cabo conxuntamente por parte de efectivos da Policías Local e de funcionarios da comisaría, que acudiron en apoio dos axentes municipais tras colisitar a súa presenza. Foi un viandante o que, ao redor das dúas menos vinte e cinco da madrugada do sábado, contactou co Centro Integrado de Atención ás Emerxencias (CIAE) 112 Galicia para comunicar que se acababa de ver ameazado por un individuo que levaba oculto o seu rostro cun pasamontañas e que portaba unha pistola, que parecía ser de balines, e coa que estaba a ameazar, ao apuntar coa mesma, á xente que estaba a transitar pola Rúa Manzanares, no barrio histórico ribeirense de Bandourrío.
