Durante este mes de xullo o Edificio do Casino de Noia será o escenario da exposición de acuarelas da artista sonense Beatriz F. Ferrín, titulada Noia-Recunchos e outras acugarelas. Nesta mostra, a artista captura nos seus cadros, como se indica no epígrafe da mostra, recantos de Noia que reivindican a beleza da vila poñendo o foco no que non sempre aparece nas guías turísticas.
A exposición, organizada pola Concellería de Cultura, inaugurouse este domingo, 2 de xullo.
A exposición estará aberta desde o 2 ao 31 de xullo, seguindo o seguinte horario de visita:
– De luns a venres: de 11:00 a 14:00 h e de 18:00 a 20:30 h.
– Os sábados: de 11:00 a 13:00 h.
