A Feira Celta é a protagonista esta fin de semana da actividade lúdica de Porto do Son, será a través de postos de artesanía e gastronómicos, talleres en vivo, espectáculos rueiros e concertos. Arrincará ás 17.00 horas deste venres, cun desfile inaugural polo gran mercado que foi instalado na vila.
A partir da apertura e ata a medianoite, iranse sucedendo diversos espectáculos rueiros, nos que entrarán en acción dragones, trasnos, bruxas e outros seres mitológicos, para culminar, rozando a medianoite, cun esconxuro no que estarán presentes o lume e os números circenses.
Tanto o sábado como o domingo o mercado poñerase en marcha sobre as 11.00 horas, para pechar ao redor da medianoite, e contará con animación a cargo de diversas compañías. Todas elas protagonizarán un desfile final o domingo, ás 22.30 horas.
Durante toda a feira, o público terá á súa disposición un campamento celta, que permitirá coñecer como era a vida da época e incluirá talleres dos oficios máis característicos. Ademais, os máis pequenos contarán cun recuncho especial e diversas atraccións ecolóxicas.
