O pasado mes de maio a ABE foi a primeira entidade empresarial de Galicia en adherirse a Alianza Galega polo Clima, unha iniciativa impulsada polo Goberno galego para facer fronte común fronte aos graves problemas climáticos aos que nos enfrontamos e favorecer que a nosa terra sexa un referente en sustentabilidade. Neste ámbito enmarcase a última campaña de promoción comercial da patronal de Boiro que pretende prover o uso da bicicleta para os desprazamentos dentro do núcleo urbano da vila.
Para isto, a entidade puxo en marcha un sorteo de 4 bicicletas, unha por cada quincena do verán. Para participar as persoas interesadas deben rexistrarse os tíckets de compra de calquera dos 200 negocios asociados e rexistralos na web da ABE (www.abel.gal). Cada rexistro é unha participación para o sorteo.
O presidente da patronal, Daniel García explicou que “como membros da alianza utilizamos de xeito habitual o seu logotipo na comunicación, como por exemplo na páxina web onde está en lugar destacado e no caso das bicicletas tamén están rotuladas coa imaxe corporativa da alianza galega polo clima coa finalidade de dar visibilidade ao proxecto ademais de dotas as bicis dun elemento exclusivo”.
Ademais a entidade boirense elixiu como slogan da campaña Cando pedaleas, todo vai sobre rodas que tamén figura rotulado nas bicicletas.
Para dar mais impulso a esta iniciativa o sorteo encadrouse dentro da campaña Quincenas Fantásticas que na que se sortean ademais 3.000 € en bonos ABE para gastar nos negocios asociados.
A patronal lembra que a adhesión a esta Alianza supón asumir as liñas estratéxicas marcadas polo Goberno galego nesta materia e unha serie de deberes como establecer accións dirixidas á adaptación ou mitigación do cambio climático en Galicia liña na que se enmarca esta campaña de promoción do uso da bicicleta.
Como indica o presidente da ABE “esta alianza reúne a organizacións que como a nosa, esteamos dispostas a asumir un compromiso para avanzar na mellora do medio ambiente, o logro dos Obxectivos do Desenvolvemento Sustentábel e a Axenda 2030 e con esta campaña queremos poñer o noso gran de area a prol dos hábitos respectuosos cos recursos naturais”.
