A noite do sábado botáronse á rúa en Boiro para achegar fondos para que Cruz Vermella poida seguir levando a cabo iniciativas que permitan mellorar a calidade de vida dos desfavorecidos. A cifra de participantes superou con creces o número inicialmente previsto.
O percorrido era de dez quilómetros, mentres que outros regresaron á praza de Galicia a metade de roteiro, tras pasar pola contorna do río Coroño e o paseo de Barraña.
O colofón foi un sorteo de agasallos doados por comercios e empresas da localidade. Visto o éxito cultivado, Cruz Vermella xa está a pensar en próximas iniciativas para seguir recibindo apoios económicos.
