Este sábado 10 de xuño ás 20.30 horas, a Sala Arcos Moldes do Auditorio de Rianxo encherase de poesía e música co concerto homenaxe a dous grandes referentes da literatura e da cultura española e galega: Federico García Lorca e Manuel Antonio.
O concerto contará coa actuación de Manuel Tubío, encargado da composición, guitarra e voz, e Carme Tubío, que o acompañará ao violonchelo. Tamén contará coas intervencións do escritor Xosé Ricardo Losada, quen achegará a súa visión sobre a importancia e o legado destes dous grandes poetas.
A entrada é de balde ata completar capacidade da sala.
