Malpica, un dos portos que máis se ten significado na loita contra a pesca ilegal, segue a manter actitudes certamente “raposeiras” a prol do beneficio de determinados armadores e tripulantes e contra a lei e o compañeirismo: a Garda Civil cumprimentou catro actas-denuncia e incautou 1.116 quilos de sardiña na vila coruñesa de Malpica. A causa destas denuncias e a expensas da ratificación das sancións económicas que contempla para estes casos a Lei de Pesca de Galicia, non é outra que a suposta infracción á citada Lei por exceso do tope de capturas, por non ter cumprimentado o Diario de Abordo (DEA), por realizar un transporte sen a documentación requerida e por falsificación dos datos de trazabilidade.
A patrulla da Garda Civil comprobou que unha embarcación levaba a cabo unha segunda descarga de peixe (sardiña) a un camión estacionado perto das instalacións portuarias sen que o peixe pasara previamente pola lonxa local para facer a preceptiva pesaxe e colocando nas sardiñas etiquetas de trazabilidade falsas.
Van xa vinte anos que o porto de Malpica e os seus mariñeiros tentaran evitar este tipo de ilegalidades e mesmo estableceron por sí mesmos topes vontarios de captura co obxectivo de reducir a sobrepesca -téñense derramado centos de quilos que, unhas veces ían destinados con prezos ínfimos ás fábricas de fariña de peixe e algunhas outras quedaban riba do peirao para que as comeran as gaivotas. Após algúns anos de respecto das normas, os pescadores volven más andadas esquecendo o respecto mínimo das normas de convivencia e votando enriba dos malpicáns unmha sona que non lles corresponde.-
Diante de circunstancias comlo as denunciadas, moitas son as olladas que se dirixen ás oficinas da Confraría de Pescadores desde onde o finado secretario da entidade -o lembrado Xosé Manuel Vila, que fora tamén deputado no Parlamento galego- controlaba -ou tentaba controlar- o ir e vir de barcos, camións e mariñeiros para manter limpo o nome de Malpica, concello do que tamén fora edil.