“A Sanidade non se vende, a sanidade deféndese”. Antón Luaces

13 Maio 2024

Pública e responsable. Así debe ser a Sanidade en España. Para esto, o Goberno derogará a lei aprobada por José María Aznar (a Lei 15/1997) que permitía o que, hoxe en día, está a acontecer: a privatización dun servizo público e universal que tanto custou e custa á cidadanía deste país. Porque, verdadeiramente, o pobo español non debe, nen pode, facer cesión á empresa privada dun dereito gañado a pulso por todos e cada un dos españois ao longo de décadas de pagamentos e entregas.

A Lei de Aznar fixo que proliferaran os seguros privados de tal xeito que, na actualidade, os hospitais privados están, en canto ao seu funcionamento, desenvolvendo a súa actividade como se fosen públicos: longas listaxes de espera na atención aos doentes e estes, maioritariamente, con tarxeta sanitaria do Sergas (Servizo Galego de Saúde) no marco da comunidade autónoma galega. Todo elo coa “bendición” do propio Sergas, que deriva aos hospitais privados a boa parte dos enfermos que deberían ser atendidos nos centros públicos, mentres nestes de procede a cotío ao peche de habitacións.  Así, o doente que pasa dun a outro hospital, fai que ambos -o privado e o público- estean a rebordar e tarden semanas e meses en ambos os casos, en seren atendidos sobre todo en materia de especialidades cirúrxícas.

A ministra de Sanidade, Mónica García, tenta poñer couto a esta situación comezando por sacar a consulta pública a Lei de Xestión Pública e Integridade do Servizo Nacional de Saúde, pondo remate ao “lucro incesante que foi abonando as diferentes formas de xestión da nosa sanidade”.

A ministra fai fincapé no acordo de goberno entre PSOE e Sumar para pechar a porta “a modalidades que deterioraron  o noso sistema nacional de saúde” e que, en Galicia concretamente se evidencian no asentamento, aquí, de grandes conglomerados sanitarios moitos deles pertencentes a complexos multinacionais alimentados ata o de agora pola xa mencionada lei de 1997, do goberno de Aznar.

Outros artigos

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Publicidade

Revista en papel

Opinión