“Que non veña un inverno duro!”. Antón Luaces

14 Maio 2024

Van aló máis de quince anos desque a Xunta, a través da consellería do Mar (antes, de Pesca) contempla o pasar do tempo mentras os mariscadores sachan, sementan e fan cálculos sobre as perdas económicas que supoñen os vertidos dos encoros e a carencia dunha política medioambiental que fala en silencio do desleixo dunha autoridade que exerce coma tal só á hora de sancionar.

Así quedou explicitado no mediodía deste luns na sede da delegación da Consellería en Ribeira onde, após catro meses sen novas ao respecto, os representantes dos mariscadores das rías de Arousa e Muros-Noia deixaron as súas queixas en escritos entregados ao responsable da devandita delegación para que os faga chegar ao conselleiro do Mar.

Protestan e demandan soluciòns para o saneamento das rías, ao tempo que anuncian a participación dos mariscadores na concentración de protesta contra a instalación da pasteira Altri que, ao tempo que consumirá inxentes cantidades de augas do Ulla e afluintes para producir celulosa, verterá lixo que, definitivamente, irá parar xusto ás rías nas que xa verten os encoros. Un panorama que fala claramente do abandono no que está  sumido o sector marisqueiro e que tanta fame ten quitado grazas ao traballo de sementeira realizado polos propios mariscadores que, dende uns días antes do Nadal de 2023, non reciben nen un euro que lles permita falar de, polo menos, subsistencia. 

Na ría de Noia, os mariscadores comparten medos e esperanzas cada vez que pensan nos bancos marisqueiros e a resposta que, aló polo mes de xuño, podan dar tanto o berberecho como a ameixa. Na súa mente unha soa cuestión: que non veña outro inverno duro como o foi o pasado.

Como complemento, que dunha vez por todas a consellería do Mar asuma a necesidade de afrontar un cambio definitivo na polìtica medioambiental. ´

E imprescindible. E na Xunta, sábeno. De por que non actúan os que deben facelo, ninguén dí nada. 

Será que non importan?…

Nen sequera poden dicir que chova!….(Por se chovera de máis).

Outros artigos

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Publicidade

Revista en papel

Opinión