Sete chiringuitos, terrazas e xeaderías da provincia da Coruña foron premiados co distintito de Solete de Verán da Guía Repsol. En Galicia un total de 22 establecementos foron seleccionados apra formar parte dunha das guías gastronómicas máis importantes do verán que destaca sobre todo o valor dos praceres auténticos e as xoias escondidas polo territorio español.
Na comarca obteñen o distintivo “O Universal” de Porto do Son, a guía destaca deste local a empanada de guiso de luras de Maribel, a cociñeira, unha das “máis aclamadas da ría de Noia”. “A dous pasos da praia de Aguieira, en Quintáns, a súa flan de café tamén é mítico”, indican.
Outro dos distinguidos é oa Casa Peto en Outes, con máis de 50 anos de historia este local destaca na Guía polos pratos tradicionais á carta, e unha “gustosa” terraza.
Por último recibe a distinción o Bar do Porto, situado na parroquia de Corrubedo, a poucos minutos do Parque Natural, este local renovado polo premiado arquitecto David Chipperfield destaca pola súa terraza ao mar e o respecto á cociña galega tradicional.
Con estas novas incorporacións a Guía Repsol suma xa máis de 3.000 Soletes repartidos por toda España, segundo explicou María Ritter, directora da Guía Repsol. Os locais poderanse atopar na nova app, que coa súa geolocalizador permite planear e gardar as paradas especiais para as escapadas deste verán.
