O Concello de Outes presenta a oferta de Actividades Deportivas para os meses de verán de 2023. Podemos consultar o amplo programa de propostas na web municipal e, tamén, descargar a folla de inscrición dende o mesmo sitio en liña. Achéganse os seguintes bloques: Prazas en Movemento (desenvólvese os meses de xullo e agosto e inclúen zumba para adultos, zumba para nenos, pilates, full body e ioga), Escolas Deportivas (dende o 1 de xullo até o 31 de agosto, incluíndo tenis de mesa, tenis, iniciación a deportes de raqueta, atletismo-multideporte en colaboración co Club Atletismo Outes e fútbol) e Padexando (padexando no mar do Freixo e padexando pola costa).
O programa tamén inclúe tres Trofeos Concellos de Outes (Trofeo Concello de Outes de Fútbol, Trofeo Concello de Outes de Tenis e Trofeo Concello de Outes de Piragüísmo) e tres actividades achegadas polos clubs locais: o Club de Baloncesto Outes, o Club Bádminton Outes e o Club Escola de Piragüismo Outes. Polo que se refire ao fútbol, o programa incorpora as seguintes actividades formativas: o Deporcampus (campus organizado pola Fundación RC Deportivo en colaboración co Outes FC e o Concello, a desenvolver do 26 de xuño até o 20 de xullo no Campo do Conchido) e o Campus Juan Gómez Barreiro (organiza o Outes FC en colaboración co Concello no Conchido, do 3 ao 14 de xullo en horario de mañá).