Dous minutos despois do mediodía, un particular informou ao 112 Galicia de que saía fume dunha nave de compostaxe situada na parroquia de Lesende.
Rapidamente, o persoal da empresa desprazouse ata o lugar para atallar o lume, que só afectou a parte do material triturado vexetal acumulado no interior das instalacións.
Varios membros do GES de Noia desprazáronse ata a planta de reciclaxe para participar nas tarefas de refrixeración, removendo o material no que se orixinou o lume cunha pa escavadora.
Ás 14 horas o incendio quedara xa completamente apagado.
Desde o Centro Integrado de Atención ás Emerxencias tamén se informou a Urxencias Sanitarias de modo preventivo, aos Bombeiros de Boiro e Ribeira, á Garda Civil e aos voluntarios de Protección Civil de Lousame.
