O Concello de Boiro recibiu unha subvención para a contratación de persoal en situación de risco ou exclusión social. Ao abeiro desta axuda, realizouse a contratación de dúas persoas preceptoras da RISGA (Renda de Inclusión Social de Galicia) durante 9 meses, para a revalorización de espazos públicos urbanos.
As dúas persoas contratadas como peóns comezaron este martes 6 de xuño a desenvolver traballos de limpeza a acondicionamento, prestando asistencia ás brigadas municipais e poñendo o foco na posta a punto espazos públicos urbanos como son parques e outras zonas de paseo e tránsito peonil.
O Concello explica que o obxectivo desta liña de subvencións é “favorecer a contratación temporal de persoas en risco de exclusión social coa finalidade de proporcionarlles a experiencia e práctica profesional necesarias para facilitar a súa inserción laboral”.
Para o financiamento destas contratacións o Concello de Boiro recibe da Consellería de Promoción do Emprego unha subvención por importe de 25.419,60 euros.
