Ocorreu na Praia das Furnas, ao fío da 18:00 horas. Tras recibirse o aviso da situación dos bañistas a través dunha persoa particular, desde o 112 Galicia informouse a Salvamento Marítimo, que puxo en alerta o helicóptero PESCA I do Servizo de Gardacostas de Galicia e a Salvamar Regulus.
Por terra, solicitouse a mobilización da Garda Civil, dos membros da Agrupación de Voluntarios de Protección Civil de Porto do Son e de Urxencias Sanitarias de Galicia-061.
Desde o areal, os voluntarios de Protección Civil de Porto do Son confirmaron ao 112 Galicia que os dous bañistas foran rescatados polos surfeiros, sen a necesidade de que recibisen asistencia médica.
