O vindeiro 11 de xuño a Sociedade Liceo de Noia vai acoller, a partir das 18.00 horas, a celebración do Festival Benéfico da Asociación KitisKatis Dance Class, que desta volta ven con formato de tributo ao filme musical Grease. Contarase novamente co apoio do Concello.
Segundo confirmaron as/os impulsoras/es do evento na presentación, as entradas están xa á venda no Liceo de Noia. Tamén fixeron saber que a recadación destinarase de xeito íntegro para a investigación de doenzas raras a través da Asociación Galega de Heteroplasia Ósea Progresiva – ASPOH e FUNDAME.
Na anterior celebración da asociación noiesa (celebrada na recta final de 2022) as integrantes da entidade foron quen de recadar 1.180,40 euros para “continuar loitando contra a atrofia muscular espiñal”).
