A Garda Civil de Padrón investigou a un veciño de Outes como presunto autor dun delito de estafa continuada nunha empresa de venda de vehículos de ocasión en Dodro.
A denuncia interposta polo propietario do establecemento ante a queixa dun cliente que manifestaba que o prezo de venda final do vehículo que adquirira non coincidía co que pactaran nun principio. A Garda Civil iniciou unha investigación para o esclarecemento dos feitos descritos, aclarando o propietario do establecemento que sospeitaba que un empregado da empresa aumentaba o prezo de venda dos vehículos aos clientes sen o seu consentimento quedándose coa diferenza.
Os axentes pescudaron que ademais nos despezamentos onde realizaba tamén vendas de coches dos clientes, devolvíalles a estes unha cantidade menor de diñeiro que a abonada polos despezamentos, quedándose tamén coa diferenza.
A Benemérita empezou a investigar a esta persoa como presunta autora dun delito de estafa continuada que o propietario valora nuns 100.000 € e á espera de revisar o resto de vendas mentres o investigado traballou con eles.
Xulgado de Padrón que instrue o caso
