Este xoves 15 continúan en Boiro as actividades do ciclo Aventuras e letras, actividade divulgativa, científica, investigadora, cultural e igualitaria para a rapazada local de tres anos en adiante. En concerto, continuarán en Cabo de Cruz, na Biblioteca, cunha xincana de retos que se desenvolve baixo o epígrafe Desafíos salvaxes. Será este 15 de xuño pola tarde, a partir das 16.30. Organiza o Concello de Boiro. Están convidadas/os a participar crianzas de idades comprendidas entre os 7 e os 11 anos.
O ciclo comezou o 2 de xuño no Centro Social de Escarabote (Biblioteca) co obradoiro Indagando no fondo mariño.
O programa Aventuras e letras, que incluíu narracións orais e actividades lúdicas e investigadoras para as crianzas, incluíu tamén unha actividade para tirar abaixo prexuízos e estereotipos de xénero: Ponte na miña roupa, xogo de roles en igualdade.
