Finalmente, logo do cambio de data inicialmente prevista (o 9 de xuño) este venres 16 de xuño a praza da Virxe da Guadalupe acolle a festa solidaria rianxeira en favor da Asociación Galega de Fibrose Quística. Organiza a Ludoteca Agarimo coa colaboración do Concello de Rianxo. Todo o recadado irá destinado integramente á Asociación Galega Fibrose Quística. Celebrarase en horario de 16.30 a 19.30.
Segundo confirmou a organización haberá unha gran variedade de actividades, dende unha a emocionante festa en po holi ata inchábeis, música, globoflexia, pintacaras, xogos xigantes e pintura.
A entrada para participar nesta festa solidaria ten un custe de 8 €, e é necesario portar unha pulseira identificativa para acceder ao evento. A organización lembra que é preciso facer unha reserva anticipada na Ludoteca Agarimo.
