Esta semana, o mércores 28 de xuño ás 21:00h no local da Asociación de Empresarios de Ribeira, vaise celebrar unha xornada para axudar ao tecido empresarial do concello a incrementar a visibilidade no mercado e a incrementar a súa capacidade para manter clientes e atraer outros novos (o que se coñece como fidelizar).
Esta a falar da xornada 7 claves para conseguir clientes en pouco tempo, organizada pola patronal. Será impartida polo experto Fernando Salinero, escritor, consultor de empresas e formador de directivos, empresarios e profesionais, amais de ser un referente no ámbito das conferencias motivadoras.
Celebrarase como dixemos no local da Asociación de Empresarios (na rúa Rosalía de Castro) o mércores 28 a partir das 21.00 horas. Cómpre facer unha inscrición previa no teléfono 981 87 37 19 ou a través da conta de correo electrónico correo@empresariosriveira.com.
A actividade, que é gratuíta, conta co apoio da Xunta de Galicia.
