Un día despois de acabar o curso académico 2022-2023, hoxe xoves principiou o campamento urbano impulsado polo Concello de Ribeira, no que se cubriron as 50 prazas existentes para nenos e nenas de 3 a 13 anos e que terá lugar do do 22 ao 30 de xuño de 2023 e do 1 ao 8 de setembro de 2023.
O punto de encontro é o CEIP O Grupo pero ao tratarse dun campamento urbano a meirande parte das actividades fanse ao aire libre (de feito, mañá venres está previsto que acudan ata o Malecón para ver aos Bolechas ás doce do mediodía). A temática do campamento versará en xuño sobre “Salvando a Terra” e en setembro sobre “Ribeira de aventuras”.
Cabe lembrar que do 3 de xullo ao 31 de agosto será o turno dos campamentos Xoga con Nós do Concello, con 120 participantes en cada mes. Xa se cubriron todas as vacantes en xullo (as 120) e para
agosto agora mesmo quedan 9 vacantes. Estes campamentos son para nenos e nenas de 3 a 9 anos. E tamén neses mesmo prazo temos o campamentos Camp of Cultural Summer, para nenos de 10 a
13, con 30 prazas cada un dos meses e nas que temos 9 vacantes tamén.
Todos os campamentos de verán do Concello contan con profesionais de distintos eidos como o tempo libre e tasoc (técnicode animación sociocultural e deporte), filoloxía inglesa e maxisterio, nativos en inglés para o camp off cultural summer, profesionais especialiados en NEE (necesidades educativas especiais) como pedagoxía terapéutica, audición e linguaxe e igualdade entre outros, o que garante un completo servizo cara aos participantes nos mesmos e a cobertura de todas as necesidades propias dunha actividade como esta.
Son campamentos de divertimento, multidisciplinares, artísticos, deportivos, de ocio, integradores, plurais e que favorecen a autonomía persoal, a creación e expresión artística á vez que a interacción social e participación na sociedade e o medio natural no que se enmarcan.
