“De posibles neglixencias a culpabilidades silenciadas no afundimento do Villa de Pitanxo”

11 Xuño 2023

Antón Luaces.- Este luns estará en Vigo, con case que total probabilidade, o buque Ärtabro desprazado a augas de Terranova para realizar filmacións do pecio do pesqueiro de Marín Villa de Pitanxo, afundido a 750 metros de profundidade a unhas 250 millas da illa de San Xoan de Terranova na mencida do 15 de febreiro de 2022. A bordo, 24 tripulantes dos que 21 faleceron (12 continúan desaparecidos). Dos tres sobreviventes, un figura como imputado (Juan Padín, patrón), e dous como testemuñas (Eduardo Rial, mariñeiro, sobriño do patrón, e Samuel Kwesi, cidadán de Ghana, tamén mariñeiro, cuxo testemuño podería involucrar tanto ao patrón como á casa armadora (o Grupo Nores) nas responsabilidades do naufraxio e, nomeadamente, da morte ou desaparición de 21 tripulantes.  

Unha parada do motor principal durante a manobra de virada do aparello é o principal argumento que se baralla como causa do afundimento do pesqueiro e, obviamente, das mortes -directas ou indirectas- de 21 dos seus tripulantes, algo que xa podería ter sido recoñecido polos armadores do arrastreiro de Marín que, segundo informacións publicadas, certifican en base aso dito polo patrón: o pesqueiro escorou  polos golpes de mar após rexistrar unha parada no motor principal durante unha manobra de virada do aparello.

Polo tanto, o accidente que provocou a morte de 21 homes (dos 24 que ían a bordo) foi ou poido ser consecuencia de tal manobra ao se producir “unha repentina parada do motor principal” que deixou sen máquina nen goberno ao Villa de Pitanxo, que quedou ao garete a expensas do vento e as ondas, sufrindo golpes de mar que o escoraron e afundiron “de forma rápida”.

Como se lembrará, dos 24 tripulantes do Villa de Pitanxo, 3 foron rescatados con vida: Juan Padín, o patrón; Eduardo Rial Padín, mariñeiro e sobriño de Juan, e o mariñeiro ghanés Samuel Kwesi. Foron recuperados os corpos de 9 mariñeiros, e outros 12 continúan desaparecidos. Non se desbota a posibilidade de que todos ou a maioría deles estean no interior do pecio, algo que se descoñece e que podería certificarse se os rov utilizados polo Ártabros nas súas aproximacións aos restos do buque afundido foran quen de filmar.

O motor principal do arrastreiro marinense parou, presuntamente, ao se anegar as dependencias do barco a causa de non ter optado por cortar ou arriar o aparello, tal e como declarara o ano pasado Samuel Kwesi. Esta versión dos feitos daquela mencida de 15 de febreiro de 2022, contradecía en grande medida a do patrón do barco, apuntando a unha neglixencia pola que perderon a vida 21 tripulantes, algo que ata o de agora non recoñeceran nen a casa armadora, nen o patrón, nen o sobriño deste.

Outros artigos

Luns 2, manterase o tempo seco e soleado con forte contraste térmico

O tempo manterase este luns 2, Fieis Defuntos, estable no comezo da semana con néboas matinais e contraste térmico O inicio da semana estará marcado pola continuidade dunha situación atmosférica moi estable en toda a comunidade galega, sen cambios significativos a...

+

Os cemiterios énchense de flores no Día de Todos os Santos

O pobo mantén viva unha tradición que conecta o presente coa lembranza dos seres queridos ausentes O Día de Todos os Santos volveu encher de cor, flores e recollemento os camposantos galegos nunha xornada marcada polo recordo e o agarimo cara a quen xa non están. A...

+

Publicidade

Revista en papel

Opinión

“Una desgracia peor que la de Adamuz”. José Fernández Lago

“Una desgracia peor que la de Adamuz”. José Fernández Lago

Esta, sufrida en Urda, ha sido más dura, no solo por el número de muertos y heridos, sino también porque “llueve sobre mojado”. Las palabras “inverosímil e inexplicable”, del responsable de los transportes en España, no se sostienen ante el principio que hemos...

“Fieles Difuntos”.  Manuel Dominguez III

“Fieles Difuntos”. Manuel Dominguez III

Dia dos de Noviembre, esta será tu casa. Año 985-998: La conmemoración fue instituida en Francia por el monje benedictino San Odilón, abad de Cluny, quien ordenó que en todos los monasterios de su orden se rezara por las almas de los difuntos cada 2 de noviembre. Esta...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.