Un total de 17 artistas da contorna de Ribeira están a expoñer dende este venres 30 de xuño na Casa do Concello nunha exposición colectiva organizada en colaboración coa Galería O Faiado.
O acto de apertura contou coas intervencións do segundo tenente de alcalde en funcións, Emilio Pérez; María José Carreira como comisaria da mostra; e Eugenia Gómez como responsábel da citada tenda galería.
A mostra Artistas no Concello (así se chama a exposición) está conformada por un total de 37 cadros. Os artistas participantes son: Xoán Fernández, Maralla, Antonio Pérez, Carmen Sampedro, Novais, Pío Costa, Mónica Rivas, Teresa Ramallo, Sergio Femar, Aida López, Manuel Varela, Hugo María Pereira, Teresa Argibay, Santarelli, Esther Rincón, Sara Maneiro e Rafael Pozo.
Estará aberto ata o 1 de setembro, de luns a venres en horario de 8 a 14 horas, cabendo a posibilidade de organizar visitas guiadas pola tarde se así o require xente interesada.
