Cinco meses despois de ter á súa filla, Lúa, a medallista olímpica, Ana Peleteiro, anunciou o seu regreso á pista.
A ribeirense anunciou polas súas redes sociais que a próxima cita será o 14 de xuño no Meeting Internacional de Castelló. A atleta declarou que volve “máis forte, máis madura e con máis ganas que nunca”. Peleteiro quixo tamén dar as grazas ao seu equipo sinalando que: “Sen eles volver estar no estado de forma no que estou sería completamente imposible”.
A deportista deu a luz o pasado 20 de decembro á súa filla Lúa, que tivo co atleta francés Benjamin Compaoré.
