Un ancián resultou ferido, inicialmente de carácter leve, nun accidente de tráfico rexistrado ao redor das catro e cinco desta tarde na estrada de titularidade autonómica AC-305, á altura do quilómetro 31,5, na Crocha, na contorna de Ponche Barbanza, na parroquia pobrense de Postmarcos.
Segundo recolle o Diario de Arousa tratouse do conductor dun Ford Focus que se viu implicado nun sinistro consistente nunha saída de vía do devandito vehículo e posterior colisión do seu parte frontal contra o gardarraíl. Foi un particular o que contactou co Centro Integrado de Atención ás Emerxencias (CIAE) 112 Galicia para comunicar o sucedido, indicando que o condutor e único ocupante do coche accidentado precisaba de asistencia sanitaria.
Os técnicos sanitarios inmobilizaron á vítima, que se atopaba liberada e accesible, e seguidamente procederon á súa evacuación á área de Urxencias do Hospital do Barbanza.
