A Audiencia Provincial da Coruña sinalou para esta semana, a celebración de tres xuízos contra tres veciños da comarca procesados por delitos contra a saúde pública na modalidade de tráfico de drogas.
O mércores 24 celebraraes a vista oral contra un veciño para o que a Fiscalía solicita unha condena de catro anos e medio de cárcere e multa de 2.165 euros, que en caso de falta de pagamento substituirase por 60 días máis de privación de liberdade. Os feitos que se lle atribúen ocorreron o 4 de setembro de 2020 en Couso, en Aguiño, cando portaba con destino á súa venda 10,14 gramos de cocaína cunha pureza do 58,56% e valorada no mercado ilícito en 800 euros, e 46,43 gramos de resina de cánnabis valorada en 283 euros
O xoves 25 celebrarase o xuízo contra un individuo para o que a Fiscalía pide tres anos e medio de prisión e multa de 124 euros, do que indica que ao mediodía do 11 de abril de 2020 atopábase na rotonda de Xarás, en Ribeira e portaba para a súa venda 0,56 gramos de heroína cunha pureza do 30,42% 0,098 gramos de cocaína cunha riqueza do 97,95%.
E para o venres 26 está sinalado un xuízo contra outro veciño contra o que pesa unha prohibición de achegarse a centros educativos para menores de 18 anos, ao que a Fiscalía lle pide 4,5 anos de cárcere e multa de 11.986 euros -a substituír por 200 días de privación de liberdade en caso de falta de pagamento. A causa do proceso remóntase a finais de xaneiro de 2021 cando foi sorprendido con 14,314 gramos de cocaína distribuídos en 120 papelinas e 6,25 gramos de heroína en 48 papelinas, todo iso valorado en 5.993 euros.
