O vindeiro sábado, 20 de maio, a partir das 10.30 horas, terá lugar na Filgueira en Taragoña a celebración da II Romaría das Fousas.
Este evento é organizado pola CMVMC O Feitoso de Taragoña e o Movemento Veciñal Fousas ao Monte, coa colaboración do Concello de Rianxo e o CEP Brea Segade.
O programa de actividades inclúe unha manchea de propostas divulgativas, formativas e de lecer, por exemplo obradoiros de cultivo de shitake, de extracción de resina e de apicultura, a cargo da Comunidade De Montes de Baroña e de Abellamel.es. Tamén haberá xogos populares, faladoiros medioambientais (a cargo do Concello), unha sesión vermú con DJ Enxebre, un xantar popular, unha sesión de introdución á apicultura e un obradoiro e demostración de bolos celtas.
Máis información no facebook de Fousas ao Monte.
