Municipais 2023: O PSdG da Mancomunidade da Serra do Barbanza aposta polo futuro da pranta de tratamento do lixo de Servia

18 Maio 2023

O candidatos do Partido Socialista á alcaldía de Porto do Son, Jorge Romero, de Ames, Blas Garcia, de Noia, Fran Pérez, de Carnota, Juan Manuel Saborido, de Brión, Pablo Lago, de Lousame, Ana Domínguez e a deputada provincial Sandra González mantiveron unha xuntanza para tratar unha estratexia conxunta sobre o futuro da Pranta de Tratamento do Lixo de Servia.

Nesta xuntanza acordouse, en primeiro lugar, establecer un compromiso firme co mantemento cos postos de traballo, cuestión que consideraron unha absoluta prioridade. Así mesmo, acordaron tamén apostar de forma conxunta polo sistema de reciclaxe do lixo que se leva a cabo en Servia, sistema que o Partido Popular pretende substituír para que sexa SOGAMA, cun modelo moito menos respectuoso co medio ambiente, a que se ocupe de realizar este servizo.

Ao remate da campaña, e unha vez configurados os novos gobernos municipais da mancomunidade, acordaron manter unha xuntanza co comité de empresa para analizar a situación e establecer sinerxias entre os concellos que gobernados polo Partido Socialista e os propios traballadores, de cara a garantir este mantemento.

Dende o PSdG, acordaron tamén non asumir a prorroga de FCC que plantexa o Partido Popular xa que apostan por unha nova licitación do servizo de tratamento, de maneira que se cumpra coa normativa europea en materia de tratamento do lixo.

“É unha cuestión de xustiza e de respecto, tanto polos traballadores e traballadoras como polo noso medio” – sinalou o candidato á Alcaldía de Noia, Fran Pérez. “Debemos apostar por un modelo de xestión de residuos sustentable, e polas garantías de continuidade para todo o persoal”.

Outros artigos

Publicidade

Revista en papel

Opinión

“Sociedad anestesiada”. José Antonio Constenla

“Sociedad anestesiada”. José Antonio Constenla

Bienaventurado el que tiene una oportunidad y la aprovecha, es lo que debiópensar Juan Carlos Unzué, ex guardameta de Osasuna, Barça, Tenerife ySevilla, cuando en una jornada organizada en el Congreso de los Diputadossobre la ELA (enfermedad que le diagnosticaron en...