Noia vai festexar ao grande a festividade do 17 de maio, as Letras Galegas. Farao durante a terceira semana do mes, cunha nova edición da Semana das Artes e das Letras que dá comezo este luns 15, no andar baixo do Casino de Noia estendéndose até o 10, impulsada pola Área de Cultura do Concello.
O programa inclúe un obradoiro de cianotipia (procedemento fotográfico), o día 15 ás 19h; o taller de banda deseñada Debuxemos o noso mundo, o martes 16 ás 20h; o obradoiro Isto vai de contos, o día 17, mércores ás 20:30h; un taller de teatro o xoves 18 ás 20:30 h; e o obradoiro Tiktokeando, o venres 19 ás 20.30 horas.
