O Concello de Boiro abre o 5 de xuño o prazo de inscrición do campamento de conciliación do verán 2023

O Concello de Boiro abre o vindeiro día 5 de xuño o prazo de preinscrición do campamento de conciliación para o verán 2023. O campamento desenvolverase entre o 4 de xullo e o 30 de agosto en diversos centros do municipio.

Os horarios que se ofertarán a escoller polas familias serán de 8.00 a 14.00 horas ou de 10.00 a 14.00 horas. As preinscricións poderanse facer entre o 5 e o 15 de xuño a través do Rexistro Xeral ou sede electrónica do Concello de Boiro.