O presidente dos populares galegos e presidente da Xunta, Alfonso Rueda, estivo este luns arroupando aos candidatos do PP nos municipios de Noia, Outes e Muros. Rueda estivo acompañado do presidente provincial, Diego Calvo, e do coordinador xeral do PP nacional, Elías Bendodo.
En Noia realizaron un percorrido polo centro histórico da vila xunto ao rexedor, Santiago Freire, ao que Rueda puxo como exemplo dos bos alcaldes do PP. Durante o paseo, tiveron a oportunidade de intercambiar impresións cos veciños e comprobar en primeira persoa os resultados da xestión de Freire á fronte do Concello desde o 2016.
Entre algunhas das propostas de Freire para o próximos catro anos estarían a construción dun novo centro de saúde, a posta en marcha do centro de día na Chaínza, a ampliación de chan industrial no polígono e, entre outras, a remodelación da estación depuradora. Posteriormente o presidente dos populares galegos acudiu a Outes e Muros.
Remitida
