Municipais 2023: O PP inclúe para Corrubedo homeneixar a estética do casco urbano de acordo cun proxecto da Fundación Ría

20 Maio 2023

O recentemente remodelado Centro Social de Corrubedo dou cabida na tarde de hoxe a un acto do Partido Popular cos veciños no que o candidato ao alcaldía, Manuel Ruiz, mostrouse moi crítico cos partidos que conforman a oposición no Concello de Ribeira ao impedirlle ampliar en 400.000 euros o gasto a mantemento no termo municipal.

Así, no acto celebrado na ampliación do centro social, que se encheu, Ruiz Rivas recordou que tanto no 2021 como no 2022 a oposición rexeitou a aprobación dos Orzamentos Municipais, algo que sucede por primeira vez na historia do Concello, o que ademais de imposibilitar ditos 400.000 euros tamén significou non poder comprar un tractor desbrozador para limpar as marxes dos camiños, razón pola cal houno que recurrir a un crédito. “Átanme as mans á espalda e piden que faga como se tivera as mans libres”, dixo, e prometeu que o primeiro que fará se o PP acada unha maioría suficiente para gobernar é aprobar os orzamentos.

Entrando nas propostas para Corrubedo, Manuel Ruiz explicou que están en contratación a ampliación dos pistas de Saamil, a pavimentación de tramos da rúa Buenos Aires e a ampliación da rúa do colexio, e que tamén se pretende mellorar o acceso a Teira cun proxecto que está recorrido despois de que o parque natural informase en contra. Tamén citou a humanización do entorno do faro de Corrubedo e a mellora das beirarrúas da marxe esquerda cara esta instalación, que se farán cos fondos Next Generation que o Concello conseguiu para o Plan de Sostibilidade Turística de Ribeira.

No seu programa para a próxima lexislatura, o Partido Popular inclúe como unha das propostas máis importantes a homexeneixar as pavimentacións e materiais do casco urbano de acordo cunha proposta que está elaborando a Fundación RIA, liderada polo prestixioso arquitecto e veciño de Corrubedo, David Chipperfield. Ademais, o programa inclúe outras actuacións como a pavimentación da rúa que vai cara a Praia do Prado e enlaza coa rúa Rocapellón, a canalización de augas e alumeado na rúa do Colexio, a pavimentación de rúa Pradiño a Corgo, pavimentacións en Teira e mellora da senda dende o faro ata a praia do Cantón.

Centro médico
Outro nos eidos no que está traballando é normalizar o servizo de atención primaria no centro médico da parroquia: unha necesidade na que está en contacto permanente con distintos cargos do Sergas e a Consellería de Sanidade para que se resolva canto antes igual que acadou xa cando había ese mesmo problema en Palmeira.

No acto tamén participaron a candidata por Corrubedo, Estrella Franco; a número 2, María Sampedro; e José Francisco Parente, que estivo exercendo de interlocutor co goberno municipal estes catro anos e enumerou, como tamén fixo Manuel Ruiz, moitas das actuacións feitas.

Entre elas, a propia reforma do centro social, saneamentos nas rúas Delicias, Dunas, Prado, Rocapellón ou Campo da Agra; pavimentacións en Pedra do Pino, rúa Atalaia, o entorno do cemiterio, Chaprado ou Ceboleira ou a retirada do emisario do Cantón, a remodelación da praza de Teira ou a sinalización do Camiño A Orixe que parte do faro, entre outras.

Outros artigos

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Presentados os novos párrocos no Barbanza

Este domingo o arcebispo de Santiago procedeu a presentar ós novos párrocos e moderadores das parroquias do Araño, Isorna, Taragoña, Fruime, Boiro, Abanqueiro, Bealo, Cabo de Cruz, Cespón , Cures e Macenda. O arcebispo de Santiago de Compostela, monseñor Francisco...

+

Publicidade

Revista en papel

Opinión

“O medo fala. Consecuencias” – Manuel Domínguez

“O medo fala. Consecuencias” – Manuel Domínguez

O 26 de febreiro publicaba neste mesmo medio, sobre a ameaza de Donald Trump e as súas consecuencias, podería parecer unha opinión, pero non, non, está baseada en feitos. En ano 2004 cando os países bálticos liberáronse das garras comunistas das URSS e pasou a...