A candidatura socialista de José Ramón Romero, Martiño, combina a continuidade dos actuais membros do goberno con novas incorporacións entre os dez primeiros postos da lista. Olga González e Francisco Bermúdez acompañarán a Martiño nas municipais de 2023 ocupando os postos 5 e 9 da lista.
Olga González é mariscadora e veciña de Cures, moi vinculada cos tecidos produtivos do municipio e relacionada con entidades e colectivos do municipio. “Olga coñece ben o municipio e sempre implicada en cuestións que afectan á súa parroquia e sempre trasladou demandas e melloras para os seus veciños e veciñas”, manifestou Martiño.
Francisco Bermúdez é natural de Cespón e desenvolve a súa actividade profesional nos servizos e “coñece perfectamente o ámbito municipal e a súa realidade, así como as demandas e necesidades de moitos lugares polo seu contacto coa xente”, recoñeceu Martiño.
“Tanto Olga como Paco veñen a aportar ideas novas ao equipo de traballo e estou seguro de que os dous farán un gran papel como concelleiros do goberno”, afirmou o alcalde.
