O candidato á alcaldía polo Partido Popular de Ribeira, Manuel Ruiz, deu a coñecer onte pola tarde
nunha das novas prazas abertas ao exterior xurdidas a raíz da recente remodelación da Casa da Xuventude, o proxecto para dinamizar o barrio de Abesadas.
Neste senso, Ruiz explicou aos veciños a súa intención de desenvolver o Plan Parcial Abesadas B contemplado no PXOM, o que vai permitir crear pola parte posterior ao Xulgado, nunha superficie de 60.000 metros cadrados novas verdes, pistas deportivas, áreas de esparcimento e 500 prazas de aparcamento en superficie, independentemente das correspondentes aos cinco edificios que se construiría, separados entre eles 25 metros na procura de conquerir un barrio máis humano, accesible
e agradable, acorde coa ‘nova Ribeira’ que propoñe o programa do Partido Popular. Sería ademais o lugar ideal para ubicar o novo Centro de Saúde, que precisa dúas plantas de 1.800 metros cadrados cada unha para acoller novos servizos.
O candidado popular tamén fixo alusión á subvención europea confirmada a finais do mes pasado que, co ánimo de favorecer as baixas emisións, destina 875.000 euros de fondos Next Generation a mellorar a
accesibilidade e a seguridade viaria: un proxecto que se pretende materializar en connivencia cos propios residentes no barrio.
Por outra parte, tanto Manuel Ruiz como María Sampedro recordaron algunhas das múltiples actuacións realizadas nos últimos catro anos para mellorar a vida do barrio. Entre elas, a propia reforma integral da Casa da Xuventude que incluíu a apertura ao exterior de pequenas prazas como a que acolleu o acto, ou un gran espazo público entre o inmoble e o colexio Galaxia; ou tamén o cambio de pavimentación no parque de Abesadas, a aprobación do gasto para a próxima cubrición do seu parque infantil, o asfaltado dun dos seus parques disuasorios, a apertura dunha senda turístico fluvial polo cauce do río Pedrín ata o lavadoiro de San Roque; a canalización de pluviais e construción de beirarrúas no entorno da Escola
Infantil ou a construción do Novo Auditorio.
Tamén tiveron críticas cara á irresponsabilidade da oposición, que onte mesmo ralentizaron o proceso de municipalización do parking do Centenario ao impedir co seu voto poder sacar a información pública e
presentación de alegacións tanto a ordenanza fiscal como o regulamento de funcionamento do aparcamento.
