A actividade de formación do nivel A1 en lingua de signos desenvolvida na Pobra chegou nesta semana ao seu remate coa entrega dos diplomas acreditativos ás máis de corenta persoas que participaron nesta acción posta en marcha pola Concellaría do Desenvolvemento Local.
A concelleira Amparo Cerecedo apunta que se ofertou este nivel despois da demanda rexistrada nas dúas edicións previas do curso de iniciación. Remarca, deste xeito, a importancia por favorecer a comunicación e a inclusión.
As aulas celebráronse os luns e mércores do período comprendido entre o día 15 de febreiro e o 22 de maio na Casa da Mocidade, a cargo da Federación de Asociacións de Persoas Xordas de Galicia. Abordáronse seis unidades didácticas con contidos gramaticais, léxicos, socioculturais e pragmáticos propios do nivel básico.
