O Concello de Boiro sacou a licitación as obras para levar a cabo a mellora das infraestruturas viarias no parque empresarial de Espiñeira. As actuacións atópanse en período de presentación de ofertas na Plataforma de Contratación do Sector Público.
O proxecto que se pretende levar a cabo ascende a 77.951, 52 euros e o obxectivo que se procura é a mellora da infraestrutura viaria no interior do parque empresarial, para o que se vai realizar o pavimentado con formigón de 1.665 metros cadrados de beirarrúas.
As actuacións contan co financiamento da Consellería de Economía, Industria e Innovación mediante unha subvención destinada á habilitación e mellora dos parques empresariais de Galicia.
As empresas interesadas en formar parte desta contratación teñen de prazo para presentar as súas ofertas ata o 31 de maio.
