O Concello de Ribeira informa de que están en marcha os traballos dirixidos a aplicar unha nova solución antideslizante no carril bici do paseo do Malecón e Carolinas. A renovación estase a facer mediante un tratamento a base de morteiro de slurry en cor verde, o que permitirá ademais distinguilo da zona peonil.
“Desta maneira o espazo reservado ao tránsito de bicicletas estará perfectamente diferenciado das zonas de uso peonil, como establecen as recomendacións existentes en materia de accesibilidade, ao tempo que se reforza a seguridade viaria”, informou o Concello.
A actuación, que abrangue unha superficie de 3.013 metros cadrados, foi adxudicada á empresa Rinol Rocland Suesco, SL.
