Eleccións Municipais 2023: Barral comprométese desde Corrubedo a traballar para termos persoal sanitario suficiente nos centros de saúde

25 Maio 2023

Novamente o BNG de Ribeira sumouse ás mobilizacións da veciñanza de Corrubedo, como cada xoves, para esixir que a Consellaría de Sanidade dote de persoal médico e recursos suficientes o centro de saúde da parroquia.

Os nacionalistas, a través do candidato á alcaldía Luís Pérez Barral, aseguran que “o deterioro que sofre a Atención Primaria en Ribeira está motivado pola precariedade laboral que padece o persoal sanitario e por culpa dos recortes orzamentarios aplicados polo Goberno galego”. Esta situación, din, “provoca falta de profesionais, listaxes de agarda para acudir a unha cita médica e unha atención de peor calidade”.

O candidato á alcaldía Luís Pérez, acompañado de Cruz Rivadulla, José Sanmiguel e Rafael Pazos, comprometeuse dende a vila de Corrubedo “a defender os dereitos da veciñanza a ter profesionais sanitarios suficientes e a tempo completo”.

E engadiron: “Faremos todo o que estea nas nosas mans para que Goberno galego entenda que debe cubrir as prazas e garantir a calidade asistencial á poboación tendo o mesmo médico tódolos días da semana”.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...