Xa están en marcha o Puntazo ABE, a campaña que debuta no programa de actividades da Asociación Boirense de Empresarios e está vinculada ao seu sistema de fidelización por puntos. Asi, dende este 1 de xuño, os clientes que conten con 50 puntos acumulados polo rexistro de tíckets na web da ABE xa poden utilizalos para conseguir “un agasallo exclusivo”, que é, segundo explica a patronal, “unha estupenda neveira de praia encartábel de 16 litros con bandexa incorporada”. Para solicitar a neveira hai que realizar a petición mediante o formulario que se atopa na web da ABE, e tras comprobar que o saldo é correcto, iranse entregando por orde de petición ata esgotar as 50 unidades dispoñíbeis.
Sorteo en redes
Durante as dúas últimas semanas realizouse un sorteo nas redes sociais da ABE no que o premio era unha das devanditas neveiras acompañada dun friameira con cubertos e unha botella a xogo. A gañadora resultou ser Sara Sánchez.
Para participar soamente se pedía realizar un comentario na publicación e foron mais de 600 os recibidos o que supón un novo récord nos sorteos en redes da ABE.
A patronal lembra que ademais do premio especial do Puntazo de verán os puntos pódense trocar por vales de compra (100 puntos por 5€) ou por premios como maletas, carros da compra, auriculares bluetooth, cargadores sen fíos, etc. Na web da ABE (www.abe.gal) están dispoñíbeis o catálogo, a aplicación para rexistrar os tíckets e o formulario para pedir o cambio de puntos por premios.
Esta campaña conta con financiamento da Xunta de Galicia.
