O empoderamento da muller na comunidade marítima é o lema da Organización Marítima Internacional (OMI) e o obxectivo dun colectivo que, no mundo enteiro, está integrado por 24.059 mulleres (o 1,2% da man de obra marítima mundial).
Por este motivo, celebróuse este xoves -por segundo ano consecutivo- O Día Internacional das Mulleres do Sector Marítimo, coa intención de dar unha maior visibilidade da muller neste sector xerando ou motivando as redes para a igualdade de xénero.
Deste xeito, procúrase a contratación, permanencia e emprego das mulleres nun sector da produción -o marítimo- que pouco, por non dicir nada, atendeu as necesidades neste eido das profesionais do mar, cada vez con maior presencia nas escolas da Mariña Civil e Náutico-Pesqueiras pero cunha mínima resposta de continuidade nos seus postos de traballo como se pode comprobar por algo tan sinxelo como é a constante muda a outros sectores produtivos.
Entre o xoves e este venres (18 y 19 de maio) a sede da OMI convértese no lugar no que se coñecerán e tratarán as cuestións que afectan á muller do sector marítimo, cunha exposición do camiño ata o de agora percorrido neste eido por parte de oito asociacións rexionais destas traballadoras no sector marítimo da OMI e o poder da colaboración para un futuro marítimo sostible. Abordan asimesmo o papel dos homes como aliados para a igoaldade de xénero e os paneis “Romper o teito de cristal” e “WIMÁS. IMOGENder e WISTA International oportunidades futuras de cooperación transversal”. Hai tamén unha sesión para as SIMA sobre o aumento da visibilidade das redes sociais e os sitios web públicos.
