Resulta estraño que a abstención siga crecendo, en cada visita ás urnas. Seica hai unha perda de credibilidade da clase política ou ben hai un evidente pasotismo, nunha parte importante da poboación?
Na comarca do Barbanza houbo datos espectaculares e arrepiantes para un país democrático no que vivimos. Máis da metade da cidadanía non foi a votar. En Ribeira, por exemplo, das 21.776 persoas censadas, exerceron o seu dereito ao voto unhas 13.693 e outros 8.083 cidadáns optaron por quedarse na casa, engrosando a elevada abstención,
Os nosos pais e avós loitaron, mesmo coa perda das súas propias vidas, para conseguir o dereito ao voto, en liberdade e con todas as garantías legais. Agora atoparíanse moi tristes ao poder comprobar que moita xente dedícase a largar sandeces nos bares, salóns de peiteado ou supermercados mentres deciden non participar na festa da democracia.
