Dous vehículos quedaron completamente calcinados e outro resultou parcialmente danado por un incendio rexistrado nun deles e que a propagación das chamas fixo que alcanzase aos outros dous. O suceso ocorreu ao redor das catro e media da madrugada deste domingo na Rúa Gasset da Pobra.
O lume iniciouse nunha furgoneta Citroën estacionada e que quedou inservible, do mesmo xeito que lle sucedeu a un coche da mesma marca que estaba aparcado á beira. Tamén se viu afectado un Mercedes, o seu propietario ao retiralo dese lugar antes de que o incendio seguise actuando. Non se descarta que o incendio puidese orixinarse de maneira accidental por mor dun problema eléctrico.
Foi un particular o que ao redor da hora referida contactou co Centro Integrado de Atención ás Emerxencias (CIAE) 112 Galicia, desde onde se informou á dotación de garda do parque comarcal de Bombeiros de Ribeira, así como a agrupación de voluntarios de Protección Civil da Pobra, que se encargaron dos labores de extinción e tamén á Garda Civil de Boiro.
R