O Liceo Maritimo de Ribeira acolleu este sábado o acto de remate do libro de artista titulado MANSIO, consistente na sinatura dos exemplares por parte dos seus autores, Eva Veiga e Antonio Piñeiro, no salón da Sociedade Liceo Maritimo de Ribeira, ao abeiro de cuxo Espazo Cultural foi realizado.
O acto contou coa presenza do Presidente da Sociedade Liceo Maritimo, Xose Gude Pijuan.
MANSIO, novo poemario de Eva Veiga, conta con obra plástica do autor Antonio Piñeiro. Son seis ilustracions orixinais, realizadas directamente sobre cada un dos 50 exemplares da edición, que acompañan obra poética nova de Eva Veiga, plasmada mecanograficamente en cada libro.
Tratase dunha obra que, baixo o concepto de libro de artista, reúne características especialmente singulares, nun poemario que vai aos conceptos do mar, das suas angueiras, das suas faenas e da sua comunidade, matizado da ancestral mitoloxia marítima que envolve a natureza ribeira.
Cada un dos exemplares do MANSIO foi elaborado a man, desde a impresión mecanografica dos poemas ata a encadernacion dos libros.
A obra será presentada en breve no salón da propia Sociedade Liceo Maritimo de Ribeira, que conta, para tal fin, coa colaboración da Concellería de Cultura do Concello de Ribeira.
