O Concello de Noia instalou estes días en San Lázaro unha pista de pump truck que permanecerá habilitada para que todos aqueles, que o desexen, poidan facer uso da mesma coa scooter, patíns, skate ou bicicleta. Concretamente, o equipamento deportivo estará instalado dende o 31 de marzo até o 11 de abril, a disposición das seareiras e dos seareiros dos deportes urbanos.
Ademais, o pasado sábado 1 de abril tiña lugar no mesmo emprazamento de San Lázaro a competición Speed Ring Contest que congregou a máis de 60 participantes nas modalidades de BMX, scooter, skate e roller. Resultou todo un éxito, tanto polo nivel dos competidores como pola gran afluencia de público. As actividades foron organizadas polo Concello e contaron coa colaboración de Vella Escola.
