Coa intención de reducir o número de accidentes de tráfico ocasionados pola velocidade, a Dirección Xeral de Tráfico obrigará nos vindeiros meses aos vehículos nov os e homologados a levar un ISA, Asistente de Velocidade Intelixente que forma parte dun paquete de sistemas de seguridade que a Unión Europea aprobou en 2018.
Trátase dun dispositivo enmarcado nos Sistemas Avanzados de Asistencia á Condución que serán obrigatorios para algúns coches. Concretamente, para aqueles que sexan de nova fabricación dentro do mercado europeo.
Tendo en conta o Regulamento Xeral de Seguridade dos Vehículos da Unión Europea, unha das finalidades perseguidas é a diminución da mala calidade do aire existente.
Este Asistente Intelixente de Velocidade (ISA) advirte ao condutor cando supera os límites legais, e será obrigatorio nos vehículos novos homologados en Europa a partir de 2022, e nos novos vendidos a partir de 2024. O ISA dispón dun software que lé os sinais de tráfico e pode adaptar a velocidade do vehículo á máxima permitida en cada treito de estrada. Para recoñecer a sinalización vertical, o sistema combina a información captada por unha cámara (situada a cotío detrás do retrovisor) cos catos do GPS. Cando o dispositivo deteta que o automóbil circula a un ritmo alto, envía unha alerta óptica, háptica e/ou sonora . No caso de que o condutor non reaccione diante do aviso, o propio sistema pode actuar sobre o motor ou o acelerador. A persoa que conduce ten a posibilidade de desconetar o ISA pulsando unha teclas ou mesmo pisando o acelerador con maior forza, por exemplo para realizar un adiantamento. Hai que ter en conta que cando o aprobe a nova Lei de Tráfico, xa non se poderá superar en 20 quilómetros/hora a velocidade máxima permitida para realizar un adiantamento nunha estrada convencional. Algunhas marcas xa anunciaron que limitarán a velocidade máxima dos seus vehículos, e que os centros ITV poderán verificar o correcto funcionamento destas tecnoloxías.
A imposición de equipos de tecnoloxías de asistencia á condución (ADAS) pretende contribuir a millorar a seguranza vial, algo que esixen feitos como os derivados dun estudo do Parlamento Europeo que utiliza 8 dispositivos entre os que se inclúe a cámara traseira, o detector de fatiga e a freada de emerxencia, que evitarán ata 25.000 falecidos e 140.000 feridos graves nos próximos 18 anos.
As estimacións fan pensar que se pode reducir a mortalidade un 20%.
